MENU
klinika

Apeli për kryebashkiakun Mziu

Qarri: Bashkia e Kamzës, asnjë lek për ekipin

16.10.2018 - 11:11

Bashkia e Kamzës është tërhequr plotësisht nga financimi i skuadrës në këtë sezon. Lajmin e bën të ditur vetë presidenti i klubit të Kategorisë Superiore, Naim Qarri, i cili në një intervistë të dhënë ka shpjeguar se Bashkia nuk po përmbushte më as detyrimet ligjore që i takonin.

“Këtë sezon bashkia është tërhequr plotësisht dhe nuk ka dhënë asnjë ndihmesë në drejtim të skuadrës, madje as detyrimet ligjore që i takojnë asaj për pjesën që ka marrë përsipër.

I bëj thirrje kryebashkiakut Mziu që të afrohet pranë Kamzës, ashtu si vitin e kaluar, ku nuk la asnjë media pa përdorur dhe folur duke u mburrur për skuadrën”, – tha Qarri për “Panorama Sport”.

kamza
kamza

Megjithatë, ai insiston se klubi është ambicioz dhe kjo do të shihet që këtë javë, ku i kërkon ekipit të mundë Skënderbeun. “Nuk është e ekzagjeruar, pasi skuadrën e Skënderbeut tre muaj më parë e mundi Vllaznia që doli nga kategoria me rezultatin 5-1”, – ishin fjalët e tij.

VAZHDO TË LEXOSH MË TEPËR PËR TEMËN