Ai nuk mund të ishte në fushën e lojës me shokët e tij të ekipit në ndeshjen e Champions League ndaj Young Boys, por nuk mund të mungonte në tribunat e “Juventus Stadium”.
Cristiano Ronaldo është shfaqur për herë të parë në publik që pas akuzave ndaj tij për përdhunim dhe këtë e ka bërë krah të dashurës së tij, djalit dhe nënës.
Kathryn Mayorga e akuzoi yllin portugez se ishte përdhunuar nga ai në vitin 2009 në Las Vegas. Ronaldo reagoi menjëherë duke i hedhur poshtë këto pretendime, duke u shprehur se vajza në fjalë po përdorte emrin e tij për t’u bërë e famshme.
Por këto akuza duket se nuk e kanë lëkundur aspak lidhjen e tij me bukuroshen Georgina, e cila e shoqëroi dhe këtë herë portugezin në stadium.
Në fund, edhe pse pa Ronaldon në fushën e lojës, Juventusi shkëlqeu duke triumfuar 3-0 ndaj skuadrës zvicerane.
