Matteo Salvini, ministri i brendshëm italian, është duke u inkurajuar nga politikanët e tjerë nacionalistë për të kandiduar për postin e Presidentit të Komisionit Evropian, të cilin momentalisht e kryeson Jean-Claude Juncker.
“Është e vërtetë, që miq të vendeve të ndryshme evropiane më kanë pyetur dhe ma kanë sugjeruar këtë,” tha Salvini kur u pyetën gjatë një interviste në të përditshmen La Repubblica. “Është mirë që ata të më shohin si pikë referimi për mbrojtjen e popullit, madje edhe jashtë Italisë”.
Salvini, kreu 45-vjeçar i parties Liga të krahut të djathtë, ka patur shumë ndikikim në arenën politike evropiane, sidomos pas koalicionit me lëvizjen Pesë Yje, që i mundësoi të vinin në pushtet. Dy forcat kundërshtare u bashkuan në një platformë euroskepticizmi dhe nacionalizmi italian.
Ndoshta Salvini ka shanse për të fituar presidencën. Presidenti i Komisionit Evropian zgjidhet nga Këshilli Europian, bazuar në rezultatet e zgjedhjes së deputetëve. Kjo zakonisht bazohej në konsensus, por tani ekziston një sistem joformal i quajtur “Spitzenkandidat”, në të cilin kandidatët për presidencën emërohen nga grupet e deputetëve.
Presidenti në detyrë, Juncker, ishte personi i parë i zgjedhur për punën sipas procedurave Spitzenkandidat pas zgjedhjeve parlamentare të majit 2014. Sistemi i ri lejon mjete të tilla fushatash si kandidatët që ofrojnë programe politike dhe debatet publike për të ndikuar votuesit.
Salvini është një kritik i rregullt i Komisionit Evropian dhe Junker. Lufta e tyre më e fundit ishte për shkak të kritikës së Junker për deficitin e propozuar të buxhetit të Italisë, i cili arrin në 2.4 për qind të PBB-së së vendit. Komisioni pritet të zbatojë rregulla strikte nëse Italia nuk e ndryshon atë, por Salvini u zotua se nuk do të ndryshojë.
Në intervistë, Salvini tha se zgjedhjet e Parlamentit Evropian për vitin e ardhshëm do të sjellin një ndryshim shumë të madh në BE dhe se kërcënimet e Junker kanë shumë pak peshë. “Këta njerëz flasin sepse e dinë që brenda gjashtë muajve do të shkojnë në shtëpi kur një erë ndryshimi do të fryjë edhe mbi Evropën”, tha ai.
VAZHDO TË LEXOSH MË TEPËR PËR TEMËN
‘Martesa’ Itali-Hungari/ ‘Kali i Trojës’ për Evropën
Liderat evropianë kundër populistëve
Italia mund të largohet nga BE…
