Majasëlli nuk është gjë tjetër veçse zgjerimi i venave të zorrës së trashë. Nga Majasëlli preken më shumë njerëzit që bëjnë jetë të ndenjur dhe që merren shumë pak me punë aktive.
Kjo është një sëmundje mjaft ë shpeshtë, që te gratë arrin deri në 70% të prekshmërisë.
Dallojmë Majasëll të brendshëm, ku nyjet e venave të zgjeruara janë në thellësi dhe nuk shihen me sy dhe Majasëlli i jashtëm ku ato dalin jashtë anusit.
Majasëlli mund të shkaktohet nga kapsllëku kronik, mbiushqyerja, jeta e ndenjur, sëmundjet e melçisë se zezë, sidomos ciarroza, pamjaftueshmëria e punës së zemrës, presioni i shtuar në pjesën e poshtme gjatë barrës apo tumoret e zorrës së trashë.
Ndalohen ushqimet ngacmuese, pikante, alkooli, piperi i kuq dhe i zi, salca apo mishi i derrit. Keshillohen ushtrime gjimnastikore, shëtitjet, masazhet e barkut, të luftohet jeta pasive.
– Bari i Majasëllit dhe i kolitit kanë dhënë rezultate të mira në gazrat, shfryrjet e zorrëve, në spazma etj. Pra, ka edhe shumë bimë të tjera si: Kamomili, frutat e Gështenjës së Egër, Bishtamidhi, Manaferra, Rigoni.
Merrni 40gr prej tij, zjeheni me 1 litër ujë për 1 orë e gjysëm dhe pini 1 filxhan para buke, 3 herë në ditë.
– Bishtat e disa patëllxhanave të karbonizohen në furrë të sobës derisa të bëhen pluhur. Me këtë merret dhe përzihet mjalti dhe vendoset në garzë sterile poshtë në anus. Ajo qetëson dhimbjet dhe përmirëson dukshëm hemorroidet nga poshtë.
– Merrni një lugë gjelle me sytha të njoma plepi, të thahen dhe kavardisen në tigan, pastaj përzihet pluhuri me vaj ulliri. Me këtë pomadë lyhet rreth e qark anusi duke e mjekuar në mëngjes dhe darkë.
– Merrni 5 lugë gjelle lëvore Dranakuqi të mbledhura para se të çelë gjethet. Hidheni në 1 litër ujë dhe zjeheni 10-15 minuta. Ena lihet e mbuluar 20-30 minuta, pastaj kullohet. Pihet 1 gotë para gjumit.
– Kur acarimi arrin kulmin, aq sa i sëmuri nuk mund të qëndrojë dot ulur, merrni 40 thelpinj nga bërthama pjeshkash dhe i kavardisni si kafe.
Një pjesë të këtij pluhuri mbyteni me vaj ulliri për të sajuar një lloj pomade për lyerje dhe shumica përzihet me 1kg mjaltë, 9 të verdha vezësh e 30 gr lule squfuri. I sëmuri duhet të marri 1 lugë gjelle 3 herë në ditë.
– Për qetësimin e dhimbjeve kanë përdorur edhe patatet e grira në rende. Këto përdoreshin në formë llapaje duke i mbështjellë me një pëlhurë.
– Merrni 30gr lule gështenje të egër, kamomil dhe bar pezmi, 10gr sherebelë dhe 3 lugë gjelle nga përzierja futen në gjysmë litri ujë të ftohtë dhe lihet 4 orë, duke e përzierë shpesh.
Pastaj ena e mbuluar zihet 5 minuta. Lihet të ftohet 30 minuta dhe kullohet mirë. Me të lyhet rektumi me një garzë të pastër. Kjo bëhet 2 herë në ditë dhe mbahet nga 10 minuta. Kështu vazhdohet 5 ditë me radhë.
– Frutat e pjekura të Gështenjës së Egër, mblidhen, copëtohen dhe futen në alkool, pra 5-6 kokrra në 300gr alkool për 10-15 ditë. Pastaj kullohet dhe pihet 3-4 herë në ditë, nga 50 pika në ditë kur të zë dhimbja.
– Merrni një lugë me gjethe Lule Basami 5gr, bar Pezmi 5 gr, Kamomil 5gr, gjethe Sherebele 3gr. Zjehini me 500gr ujë në një enë të mbuluar. Pas 30 minutash kullohet dhe pihet 3-4 doza në ditë, e ëmbëlsuar me pak mjaltë. Mjekimi vazhdon 5-7 ditë.
– Kur keni hemorragji në zorrë atëherë merrni 1-2 kokrra shege të pjekura. Qërohet nga lëkura dhe kokrrat e shegës vetëm përtypen, lëngu pihet, kurse bërsitë nxirren jashtë. Kështu ndalohet hemorragjia.
VAZHDO TË LEXOSH MË TEPËR PËR TEMËN
