Menu

Më i larti në pesë vjet

Sigurimi i detyrueshëm solli 4.6 mln euro fitime  

11.10.2018

Kompanitë e sigurimeve fituan 580 milionë lekë ose rreth 4.6 milionë euro nga sigurimi i detyrueshëm motorrik vitin e kaluar. Të dhënat e detajuara nga Autoriteti i Mbikëqyrjes Financiare tregojnë se produkti kryesor i industrisë së sigurimeve, por edhe ai që shkakton dëmet më të shumta, në fakt rezultoi fiitmprurës. Madje, rezultati i vitit 2017 ishte më i larti i pesë viteve të fundit.

Shkarkoni Aplikacionin e Konica.al

Raporti mes dëmeve dhe primeve për këtë produkt ishte rreth 28%, në linjë me mesataren e tregut shqiptar, por shumë i ulët krahasuar me tregjet e tjerë. Kompanitë shqiptare vijojnë të kenë raporte krejtësisht anormale, sepse primet shkojnë më shumë për shpenzime të marrjes në sigurim dhe administrative, sesa për të paguar dëme.

Siguruesit vazhdojnë të kenë shuma të mëdha detyrimesh të pashlyera ndaj fondit të kompensimit të Byrosë Shqiptare të Sigurimeve. Këto detyrime lidhen pikërisht me dëmet e shkatuara ndja personave të siguruar nga mjete të tjera të pasiguruara ose të paidentifikuara. Sipas Autoritetit të Mbikëqyrjes Financiare, detyrimet ende të bartura arrijnë në rreth 1.7 miliardë lekë ose 13 milionë euro.

Sipas raportimeve financiare të subjekteve, rezultati i përgjithshëm për të gjitha kompanitë e sigurimit të jo jetës vitin e kaluar kishte vlerën e 958 milionë lekëve ose 7.5 milionë eurove.

VAZHDO TË LEXOSH MË TEPËR PËR TEMËN


Siguruesit "rrudhin dorën"

Pagesat e dëmeve ulen me 11%

Sigurimet, 2.5 euro për frymë

Pa frikë në verën e tërmeteve