Teksa kanë nisur xhirimet e “Rambo 5”, Sylvester Stallone ka dhanë lajmin e madh se do të jetë protagonist edhe në dy filma të tjerë.
Legjenda e Hollivudit ka treguar edhe njëherë tjetër se nuk njeh moshë. Ai aktualisht është 72 vjeç dhe është duke xhiruar në filmin “Rambo 5”.
Dy filmat e rinj do të prodhohen nga kompania e tij “Balboa Productions”. Filmi i parë titullohet “Samaritan”, që do të ketë në fokus disa superheronj dhe do të nisë xhirimet përgjatë vitit 2019.
Stallone do të jetë protagonisti edhe i filmit të dytë “Hunter”, që do të bazohet në romanin e James Byron Huggins.
Në qendër të historisë do të jetë Nathaniel Hunter, aftësitë e të cilit e bëjnë atë njeriun e përsosur për të gjetur dhe eliminuar një krijesë të egër krijuar nga një agjenci, qëllimi i së cilës është shkatërrimi i qytetërimit.
