MENU
klinika

Përfundoi kontrata e shërbimit

Tërhiqen kontenierët/ Kuçova “mbulohet” nga mbetjet

30.10.2018 - 17:02

Kuçova po kalon ditë të vështira sa i përket pastrimit të mbetjeve urbane.

Firma që ofronte shërbimin, ka tërhequr 250 kontenierë pasi i ka përfunduar kontrata dhe bashkia ka vendosur t’ja japë këtë shërbim një tjetër subjekti, deri në përfundimin e tenderit të ri.

Por në këtë situatë, mbetjet po mbulojnë pjesë të qytetit.

Plehrat kanë mbuluar qytetin e Kuçovës që prej pesë ditësh nuk pastrohet madje nuk ka kontenier të mjaftueshëm për grumbullimin e mbetjeve urbane.

Situata është pasojë e një përplasje mes Bashkisë së qytetit dhe firmës që pastronte qytetin.

mbetjet mbysin kucoven-konica.al
mbetjet mbysin kucoven-konica.al

Pak ditë më parë ka përfunduar kontrata e shërbimit dhe në kushtet kur Bashkia nuk ka paranuar të zgjasë marrëveshjen, subjekti ka grumbulluar 250 kontenierët të shpërndarë në qytet dhe njësitë administrative.

Qytetarët vijojnë ti hedhin mbetjet urbane pranë vendeve të përcaktuara. Kafshët endacake i kanë shpërndarë nëpër rrugë e brenda lagjeve.

Bashkia e Kuçovës shprehet se ka kontraktuar një subjekt tjetër, që do të realizojë shërbimin për tre muaj si dhe ka nisur një procedurë tenderimi për katër vitet e ardhshme.

Nga ana tjetër firma që ofronte këtë shërbim hedh akuza ndaj kryebashkiakut Selfo Kapllani.

Deri në zgjidhjen e kësaj situate, një pjesë e Kuçovës mbetet e mbuluar nga plehrat.

Gati për kalimin e banorëve

Pas 10 ditëve, ndërtohet ura e Darzezës

Ndalohet dhe i bëhet kontroll: Kishte drogë me vete

28 vjeçari me “Benz” nuk i bindet urdhrit të Shqiponjave

Bie në pranga 47-vjeçari në Kakavijë

U shpall në kërkim pas operacionit anti-drogë në Nikël

Një prej inxhinierëve kryesorë të Vlorës para ‘90

Ndahet nga jeta në moshën 70 vjeçare biznesmeni i ndërtimit