Vijon spektakli në kampionatin amerikan të basketbollit. Janë zhvilluar 9 ndeshje ditën e sotme, ku natyrisht spikat fitorja e kampionëve në fuqi të Golden State, që triumfuan në transfertë ndaj Utah Jazz 124-123, sukses i ardhur në të dhjetat e sekondës së fundit.
Heroi i takimit ishte Jonas Jerebko, i cili arriti të prekte topin dhe të shënonte dypikëshin e fitores, teksa në sekondën e fundit Warriors gjendeshin 1 pikë larg vendasve. Festë për miqtë, teksa stadiumi qëndronte i heshtur.
Kevin Durant bëri një paraqitje mbresëlënëse, teksa shënoi 38 pikë, dha 7 asiste dhe rikuperoi topin 9 herë. Nuk shkëlqeu, por pa dyshim është konstant në lojën e tij Stephen Curry, që realizoi 31 pikë, dha 8 asiste dhe rikuperoi 4 topa.
Një ndeshje e bukur ishte edhe ajo mes Brooklyn Nets dhe New York Knicks, ku vendasit fituan vetëm me 2 pikë diferencë. Spikat gjithashtu edhe fitorja e thellë e New Orleans Pelicans, teksa i shënuan 149 pikë Sacramento-s, kur kjo e fundit shënoi 129.
REZULTATET E SOTME
Orlando Magic – Charlotte Hornets 88-120
Brooklyn Nets – New York Knicks 107-105
Memphis Grizzlies – Atlanta Hawks 131-117
Minnesota – Cleveland Cavaliers 131-123
New Orleans Pelicans – Sacramento 149-129
Toronto Raptors – Boston Celtics 113-101
Milëaukee Bucks – Indiana Pacers 118-101
Los Angeles Clippers – Oklahoma City 108-92
Utah Jazz – Golden State Warriors 123-124
