Kanë përfunduar dy ndeshjet e para të mbrëmjes së Champions League. Atletico Madrid ka fituar 2-0 ndaj Monaco dhe ka marrë kreun e grupit të vet, duke pritur ndonjë hap fals të Dortmund më vonë. Po 2-0 ka fituar edhe Lokomotiva e Moskës në shtëpi me Galatasaray.
Ishte start fantastik i Atletico Madrid në ndeshjen e pestë të fazës së grupeve ndaj Monaco-s, teksa ka thyer menjëherë dy rekorde. Goli i Koke-s i shënuar vetëm 87 sekonda pasi kishte nisur ndeshja është më i shpejti i shënuar në historinë e klubit spanjoll në Champions League.
Gjithashtu, ai është goli më i shpejtë i pësuar nga Monaco në historinë e tij në Champions League. Ndërkohë vendasit kanë dyfishuar rezultatin me golin e Antoine Griezmann në minutën e 24-t.
Në minutën e 82-të, miqtë humbin një penallti me anë të Falcao-s, që mund të kishte futur në lojë në minutat e fundit, pasi Atletico Madrid mbetet edhe me 10 lojtarë, pas daljes me të kuqtë të Savic.
Ndërkohë, moskovitët e Lokomotivës kanë marrë pikët e para në grup, teksa kanë kanë mposhtur rivalët turqë të Galatasaray. Nga një gol për cdo pjesë loje ka future në lojë vendasit për një vend në Europa League.
VAZHDO TË LEXOSH MË TEPËR PËR TEMËN
