Banorët e Unazës së Re, zhvilluan ditën e sotme përsëri protesta në zonën e Astirit në ditën e 22-të.
Protesta e ditës së sotme ka zgjatur rreth 1 orë e gjysmë dhe ndryshe nga çdo ditë tjetër banorët shprehen se nuk do ta pranojnë vlerësimin e ARRSH-së, nisur nga dita e nesërme.
Kërkesat e banorëve konsistojnë në legalizim të plotë të pronave dhe në këtë mënyrë, banorët hedhin poshtë çdo marrëveshje të mundshme me ARRSH-në.
“ARRSH mos guxojë të sjellë vlerësuesit nesër. Nuk do të pranojmë vlerësuesit e ARRSH. Pasi të legalizohen të gjitha objektet shtëpi dhe biznese mund të nisim bisedimet”, u shprehën ata, gjatë protestës se sotme.
Ne proteste nuk munguan edhe parullat në mbrojtje të Daniel Dobrës, 18-vjeçarit të akuzuar për plagosjen e efektives së “Shqiponjave”, Ina Nuka.
“Edi Rama sikur të gjithë burrat t’i fusësh në burgjet e komunizmit do qëndrojnë gratë, fëmijët dhe pleqtë. Të gjithë jemi Danieli. Të gjithë kemi dalë për shtëpitë tona, poshtë ky krim që po na merr në qafë”, u shpreh një nga banorët.
VAZHDO TË LEXOSH MË TEPËR PËR TEMËN
Protesta në Astir/ Lista e banorëve që janë pritur nga ARRSH
