Ditën e sotme duket se Fronti opozitar ka ndezur motorrët e fushatës duke u shpërdarë nëpër rrethe në takime me banorët.
Kryetari i Partisë Demokratike, Lulzim Basha, ditën e sotme u gjend në Berat ku ka zhvilluar një takim me banorët e kësaj zone.
Gjatë takimi Basha ka hedhur akuza kundër qeverisë, duke thënë se kjo qeveri nuk po punon për popullin por për të pasuruar veten.
“Gjendja ku ndodhet vendi është një thirrje për PD, për të shpalosur platformën tonë. E para dhe më e rëndësishme, kjo nuk ka asnjë lloj kompromisi. Nuk bëhet asnjë kompromis pastrim i i politikanëve nga kuvendi që janë të lidhur me krimin. Kthimi në Kuvend me politikanët e lidhur me krimin, nuk ka dhe nuk do të ketë. Zgjidhja është para jush
Pika e dytë e opozitës është se nuk do të ketë më trajtim preferencial për politikanët. Nëse duam zgjidhje institucionale, është miratimi i Vettingut dhe shporrja e politikanëve mafioz nga Kuvendi dhe bashkitë. Ata që bëjnë pakt për vota me kriminel, do përfundojnë në burg”, deklaroi Basha.
Kujtojmë se nga ana tjetër kryetarja e LSI, Monika Kryemadhi gjendet në Sarandë, në një takim me strukturat e LSI-së, ku lajmëroi nisjen e përgatitjeve për zgjedhjet e 30-Qershorit.
VAZHDO TË LEXOSH MË TEPËR PËR TEMËN
Kryemadhi: Në zgjedhje, në bashkëpunim me frontin opozitar
