Ish-kryeministri Sali Berisha është shprehur se, Sandër Lleshi formalisht duhej dekretuar, por moralisht është një kartë e djegur.
“Formalisht, pas plotësimit të kushteve kushtetuese, ai duhej dekretuar. Moralisht, ai ishte tërësisht letër e djegur.
Sandër Lleshi, në thyerje të nenit 186 të Kushtetutës, ka marrë përsipër detyra të tjera, çka kushtetuta ia ndalon ushtarakut aktiv, jo në rezervë.
Së dyti, Sandër Lleshi ka bërë hapin e dytë madhor në shkelje të kushtetutës, ka paditur presidentin e Republikës për dekretimin e tij, në një kohë kur kolegjet e Bashkuara të Gjykatës së Lartë, vendimet e të cilave janë normë kushtetuese për vendin, kanë vendosur në vitin 2002 se nuk mund të trajtohen në gjykatë, dekretet e presidentit.
Mafiozët e kryeministrit, e kanë bindur gjeneralin që të paditë presidentin dhe të gjejë 2-3 gjyqtarë që t’i japin të drejta që nuk i takojnë. Ai dërgoi propozimin e Ramës për heqjen e spaletave, por faktikisht u emërua ministër në rrafshin moral si një kufomë e pakallur.
Ky është vlerësimi im. Formalisht u respektua kushtetuta. Presidenti veproi në kushte in-extremis, por veproi në kushte kur e vendosën në kushte më in-extremis. I kërkuan të dekretojë një ministër në dhunim të Kushtetutës.
Presidenti nuk mund të kthejë ministra, por është i obliguar të respektojë kushtetutën. U tregua luajal me germën e kushtetutës, e dekretoi, në rrafshin moral, ai s’meritonte të dekretohej.
Ishte një delikuent në raport me kushtetutën, kishte mbajtur funksione të tjera, që neni 186 i Kushtetutës e pengonte. Paditi presidentin për interesa personale”.
Opozita, sipas is-kryeministrit, nuk priste që Edi Rama të tërhiqej nga propozimi, pasi ministri i ri i Brendshëm identifikohet me maxhorancën.
Sandër Lleshaj, theksoi Berisha, mban përgjegjësi për kanabizimin e vendit, pasi ka qenë për një kohë të gjatë këshilltar i Ramës.
“Jo, sepse për opozitën, si Sandër Lleshi, apo të gjithë, një çorbë janë. Ata nuk kanë ndryshim njëri nga tjetri. Janë narko-mazhorancë. Nuk di të ketë lidhje me kanabisin, por është këshilltari i autorit që e ktheu vendin në kanabistan.
Ka për detyrë që çdo tre muaj të mbledhë të dhëna. E rikujtoj disa herë mbledhjen e Komitetit të Sigurisë, gjatë qeverisë së mëparshme. Ky ka rol të kërkesave tek kryeministri. Ka përgjegjësi”, tha Berisha.
Berisha më tej ka folur dhe lidhur me dosjen hetimore që çoi në operacionin policor “Vol-Vo 4”.
Ai shton se Fatmir Xhafaj u largua nga Edi Rama nga drejtimi i Ministrisë së Brendshme për shkak se “filloi të kafshojë”.
“(Xhafaj) U largua për të shpëtuar zotin Gjushi. Se dosja 339 fakton si drita e diellit të lidhjes të Gjushit me Avdylajt, e dy ministrave me Avdylajve e të tjerë, Ardian Çelës së OSHEE-së kokë e këmbë të lidhur me krimit.
Fakton se si qindra e qindra miliona shkuan në tendera nga Ardian Çela me urdhër të tyre. Ardian Çelala është njeri shumë i çmuar i familjes Rama.
Fakton se familja Ndoka, më i dashuri në të gjithë veriun e Rdi Ramës ka marrë të gjithë tokat në bregdet, shumicën, nga Shëngjini ne Velipojë, i ka grabit, i ka plaçkit”, përfundoi Berisha.
Lidhur me faktin se pse i sulmon ata gjatë gjithë kohës, Berisha thotë:
“Për shkak se ai kishte lidhje me të vëllanë se ai përdori metoda të sigurimit të shtetit me Ardian Veliun, siç ishte rasti i Alizotit që nxori të gjitha të palarit të tyre. Përdori metoda të rrezikshme dhe për këto meriton të dergjet në burg për vite e dekada.
Cila ishte dorëheqja e Xhafajt? Tipike mafioze, Asnjë deklaratë. Ai sikur të ishte mazhordom i sarajeve të Surrelit dhe jo ministër i brendshëm, mbylli gojën se s’fliste dot”.
Sipas tij kafshoheshin ministra të kabinetit qeveritar.
“Mund të kafshoheshin Damian Gjiknuri, Arben Ahmetaj, ishin disa, këta janë ku të kapësh më parë… ishin Klosi, ishin disa.
Dosja 339 mbeti, nuk shkoi aty ku duhet, se në dosjen 339 këta ishin ushtarë, gjeneralë ishte Gjush Dako, Gjiknuri, Ardian Çela, Blendi Klosi, Arben Ahmetaj, këta ishin gjeneralë, është dosje e tmerrshme ajo, dhe si e ngjashme asaj pastaj.
Prokurorët që përgatitën atë dosje për dy vite u asgjësuan. (Dosja) Nuk u ekzekutua se Gjushi ishte kryesor. Nëse themi të bëjmë operacione fasadë është tjetër punë.
Mos harro se filluan lirimet e para, u liruan deputetët. Ata kanë qenë ushtarë. Çuko zbatonte çdo udhër të Avdyljave dhe bandave me radhë.
U bë një veprim më shumë farsë. Se e panë ata. Cili ishte mesazhi i largimit të Xhafës? Ky iu arrestoi, por unë e largova”, u shpreh Sali Berisha.
Dosja 339 tregon se Edi Rama ka vrare votën e shqiptarëve, theksoi ish kreu i qeverisë.
VAZHDO TË LEXOSH MË TEPËR PËR TEMËN
‘Do rrëzojmë Ramën’/ Berisha-Bashës: Përpiqu më shumë
A keni frikë se vetting-u do iu djegë? Reagon Berisha
