Na ndajnë vetëm 3 ditë nga e premtja e madhe, kur Rita Ora, këngëtarja me origjinë shqiptare dhe me një famë në të gjithë botën, do të publikojë albumin e saj të dytë.
Që prej njoftimit më shumë se një muaj më parë, të gjithë fansat e këngëtares janë duke numëruar mbrapsht ditët deri në datën 23 nëntor, e cila është më afër se kurrë.
Por në prag të publikimit të “Phoenix”, Rita vazhdon të marrë frytet e punës së saj të deritanishme.
Në shtator, Rita publikoi këngën dhe klipin “Let you love me”, e cila është një nga këngët hit të albumit. “Let you love me” ka qëndruar për disa javë rresht në top listat britanike dhe amerikane.
Kjo këngë është pëlqyer shumë nga publiku, dhe për vetëm brenda dy muajve ka kaluar shifrën e 100 milionë klikimeve në YouTube. Ky sukses e vërteton edhe njëherë se këngëtarja shqiptare është duke u ngjitur vazhdimisht drejt majave të tregut botëror.
