17.11.2018 - 08:15
Reshjet e borës kanë shkaktuar probleme në zonat e thella për shkak të temperaturave të ulta dhe ngricave.
Kështu, zona si Lura, Kalaja e Dodës Selishta dhe fshatrat e rrethit të Bulqizës kanë vështirësi në qarkullim, pasi ngricat e bëjnë shumë të rrezikshëm kalimin e mjeteve.
Ulja e ndjeshme e temperaturave ka sjellë reshje të dendura bore dhe ngrica në fshatrat e Bulqizës.
Vjeshta e zgjatur dhe ditët e ngrohta dhe me diell me sa duket më në fund ia kanë lënë vendin dimrit. Ditën e djeshme ra bora e parë edhe në Dardhë, e cila për disa minuta reshje u zbardh e tëra.
