MENU
klinika

Qendërmbrojtësi kuqezi

Debutuesi Ismajli: Kombëtarja do rikthehet…

18.11.2018 - 14:39

Kombëtarja shqiptare humbi thellë, por ka fituar një futbollist, pikërisht Ardian Ismajli, që debutoi si kuqezi. Ai ishte i pranishëm në konferencën për shtyp të programuar ditën e sotme në 13:30. Qendërmbrojtësi ka rrëfyer edhe debutimin me ekipin kombëtar.

Debutim me humbje për ju…?

Nuk e kisha menduar këtë situatë, por fati donte që Mërgimi të merrte atë karton dhe të futesha unë. Futbolli i ka këto dhe ne tani duhet ta mbajmë kokën dhe të shohim para.

Si u ndjetë kur u fute në fushë?

Ishte koha ime të ndihmoja skuadrën. Emocionet kanë qenë të mëdha, por në moment që u futa, ishin edhe më të mëdha. E kam pritur këtë debutim, pavarësisht humbjes.

skocia kombetarja
skocia kombetarja

Si ju kanë pritur në Kombëtare?

Më kanë pritur shumë mirë, ambienti është i mirë. Kam marrëdhënie të mira dhe më kanë afruar. Çdo gjë është në rregull.

E ardhmja e kombëtares?

Çdo ekip kombëtar ka krizë, besoj se do e kalojmë shumë shpejt këtë situatë dhe do të rikthehemi te rezultatet pizitive. Them se do të vijë përsëri koha të kualifikohemi si në Francë.

VAZHDO TË LEXOSH MË TEPËR PËR TEMËN