Vendos badihava taksa kundër prodhimeve serbe kur politikat shtetnore vis-a-vi prodhimit vendor janë suicidale.
Qysh bahet që ma e leverdisshme âsht me e çelë nji lesh autolarje sesa nji plantacion pemësh?
Ky âsht rrëfimi i të mjerëve hygoian: nji prodhues mollësh në këtë vend të hamamtë detyrohet me e shitë 8 cent nji kilogram mollë tek furnitorë që i diktojnë çmimet.
Veç imagjinoje: 1 mijë kg mollë = 80€, dhe masanej luhet idioti i çuditun kur pemëtarë e vneshtarë zemërplastë i shkatërrojnë me duert e veta pemishtet e vneshtat se konkurenca e pabarabartë nuk i le vend me ekzistue.
Duopoli serbo-turk në Kosovë, mungesa e politikave proteksioniste e masat e tjera, bajnë që prodhimi vendor thjesht me u ba i pamundun.
