Bashkimi Europian ka akorduar 80 milionë euro për dixhitalizimin e vendeve kandidate të Ballkanit Perëndimor. Shqipëria është në garë me gjashtë vendet e rajonit për të përfituar financimin e projekteve në axhendën e dixhitalizimit.
Komisionerja europiane për Shoqërinë dhe Ekonominë Dixhitale, Mariya Gabriel, vizitoi të martën Shqipërinë dhe së bashku me zëvendëskryeministren, Senida Mesi, zhvilluan një vizitë në mjediset e Agjencinë e Ofrimit të Shërbimeve Publike, ADISA. Zëvendëskryeministrja Mesi tha se çështjet kryesore të diskutuara me komisioneren Gabriel ishin siguria kibernetike dhe aftësimi i publikut për teknologjitë dixhitale.
Komisionerja Gabriel tha se zhvillimi teknologjik dhe dixhitalizimi do të jenë faktorë shumë të rëndësishëm që të rinjtë të besojnë tek e ardhmja në Shqipëri dhe do të frenojnë largimin e tyre jashtë vendit.
Ajo theksoi edhe njëherë qëllimin që heqja e tarifave roaming të telefonisë celulare të shtrihet edhe në vendet e Ballkanit Perëndimor. Megjithatë, ende nuk ka detaje për etapat që do të ndiqen dhe afatet që do të kërkojë ky proces.
VAZHDO TË LEXOSH MË TEPËR PËR TEMËN
Një qendër inovacioni për fëmijët
Fiket analogu në Tiranë dhe Durrës
