MENU
klinika

Detajet

Itali, kapet ‘mat’ shqiptari me 17 kg drogë

29.11.2018 - 20:19

Një shqiptar dhe një italian kanë përfunduar në pranga pasi janë kapur në flagrancë teksa po shkëmbenin mes tyre një sasi droge në Itali.

Sipas mediave italiane, arrestimi i tyre është kryer dy ditë më parë, por gjatë ditës së sotme janë njoftuar edhe detajet e operacionit. Policia ka rënë në gjurmët e tyre pasi gjatë diskutimit, shqiptari dhe italiani kanë ngritur tonet e zërit.

Pas pikasjes, të dy trafikantët, identiteti i të cilëve nuk bëhet i ditur janë përpjekur të largohen nga vendi ku po shkëmbehej droga, por ky mision ka rezultuar i kotë pasi arrestimi i tyre është kryer në kohë të shpejtë.

Gjatë kontrollit, shtetasit italian iu gjet një sasi e vogël marijuane, ndërsa shqiptarit iu sekuestruan 17 kg drogë e llojit marijuanë si dhe një sasi e vogël kokaine, e ndarë në doza të vogla.

Ndaj tyre rëndon akuza e posedimit dhe e shitjeve të lëndëve narkotike. Gjithashtu shqiptari dhe italiani janë dërguar në burgun e Ankonës.

“S’ka rëndësi numri i prokurorëve apo gjykatësve”

Ambasadori rumun në Shqipëri: Reforma në Drejtësi, t’i drejtohet qytetarit

Bosi i Camorra-s nis bashkëpunimin me drejtësinë

Dorëzohet pas 26 vitesh në burg “Sandokan”