MENU
klinika

20 mld më shumë se projekti fillestar

Koncesioni Tiranë-Durrës, i planifikuar vite më parë

03.11.2018 - 16:52

Koncesioni apo ndërtimi me paratë e buxhetit ishte dilema e qeverive këto ditët e fundit lidhur me planin e zgjerimit të rrugës Tiranë-Durrës.

Plani i kësaj rruge mësohet të ishte akoma më i hershëm, që prej vitit 2007 , dhe më tej në 2014duket se qeveria shqiptar vendosi se zgjerimi i kësaj rruge do të realizohej me anë të një financimi nga buxheti i shtetit

Mbi bazën e këtij vendimi autoriteti rrugor shqiptar pajtoi një kompani italiane për të bërë studimin e fizibilitetit dhe projektin e rrugës.

Projekti përfundoi vitin e kaluar, por pak muaj më vonë qeveria ndryshoi qëndrim duke e shpallur Tiranë-Durrës në listën e rrugëve që do jepen me koncesion.

Tirane-durres-koncesion-konica.al
Tirane-durres-koncesion-konica.al

Projekti i kompanisë italiane SPEA parashikon që rruga të zgjerohet me dy korsi shtesë në secilin krah, përfshirë një korsi emergjence, me një kosto totale për buxhetin prej ishte 29.2 miliardë lekë.

Por me sa duket projekti i italianëve do të mbetet vetëm në letër.

Qeveria e ka listuar tiranë durrës, në listën e akseve që do të jepen me koncesion duke përcaktuar një tavan kostoje 49.1 miliardë lekë ose 20 miliardë lekë më shumë nga projekti i italianëve.

Por në rastin e koncesionit, ky tavan është thuajse hipotetik. Buxheti i shtetit nuk paguan asnjë fond, pasi rruga ndërtohet me paratë e privatit dhe paguhet direkt nga qytetarët përmes tarifës së kalimit.

Duke qenë se Tiranë Durrës është aksi me qarkullimin më të madh në shqipëri, kjo e bën koncesionin automatikisht fitimprurës, pa patur nevojë të garantohet nga buxheti i shtetit si në rastin e rrugës durrës kukës.

Madje, nëse tarifa e kalimit do të vendoset dy euro ashtu si është propozuar në studimin e fizibilitetit, atëherë për 30 vjet koncesioni i Tiranë-Durrës mund të gjenerojë deri në 1 miliardë euro të ardhura.

Por këto janë të gjitha llogari paraprake, pasi deri tani projekti I koncesionit është ende në fazë fillestare dhe ministria e transporteve deklaron se nuk ka vendosur nëse do e pranojë apo jo ofertën e pakërkuar që ka mbërritur për këtë rrugë.

VAZHDO TË LEXOSH MË TEPËR PËR TEMËN



Ja dita kur Tirana zbardhet nga bora

I ftohti ‘mbërthen’ Shqipërinë

Aksioni opozitar pas përjashtimit nga Kuvendi

Berisha mbledh Kryesinë e PD për nisjen e protestave

Sa do të shiten nafta e benzina

Ndryshojnë çmimet e karburanteve në vend

Transferohen mijëra dosje në kryeqytet

Të gjitha gjykatat e Apelit bashkohen në një të vetme!