Kryetari i Parlamentit të Kosovës, Kadri Veseli, njofton se Qeveria e vendit ka mbështetur propozimin e tij për t’ia ndarë ekipit kombëtar gjysmë milionë euro, si shpërblim për arritjet e deritanishme.
Djelmoshat e Bernard Challandes dje arritën ta sigurojnë një fitore me rezultat 4-0 në shtëpi kundër Azerbajxhanit, duke u promovuar kështu nga Liga D në Ligën C të Ligës së Kombeve.
Për më tepër, kjo fitore ka bërë që Dardanët të kualifikohen për gjysmëfinalen e kësaj gare në të cilën do të ndeshen me Maqedoninë. Nëse Kosova arrin ta fitojë këtë ndeshje dhe finalen, e siguron kualifikimin në Evropian.
“Falënderoj Qeverinë e Republikës së Kosovës që mbështeti propozimin tim për të ndarë 500 mijë euro për Kombëtaren e Kosovës në futboll, për sukseset e arritura deri më tash”, – ka shkruar Veseli në llogarinë e tij në Facebook.
“Kosova ka potencial të jashtëzakonshëm në shumë sporte, andaj edhe përkrahja për sportistët dhe investimet në infrastrukturën sportive do të rriten”.
VAZHDO TË LEXOSH MË TEPËR PËR TEMËN
Kosova dhuron spektakël, e para në grup
Kosovë fantastike, tani mjafton një barazim
