Sot në orën 17:00, në skenën e “arTurbinës” publiku do të shohë ekspozitën dhe punimet e veçanta në një konkurs mbarëkombëtar të Novelave Grafike, i cili vjen në edicionin IV nën shenjën e “Vitit Mbarëkombëtar të Gjergj Kastriot Skënderbeut”, për të shpallur fituesit e vitit 2018.
Përveç ceremonisë së çmimeve nën kujdesin e Ministrisë së Kulturës do të zhvillohet dhe hapja e ekspozitës shumë të veçantë “Legjendat Shqiptare në Novelat Grafike” edicioni IV 2018.
Për herë të parë ky konkurs kombëtar zhvillohet në bashkëpunim me Institutin e famshëm “Qyteti Ndërkombëtar i Tregimeve Vizatimore dhe Imazhit” në Angulem, Francë, i cili ofron dhe një bursë për fituesin e çmimit të parë.
Ky edicion organizohet në bashkëpunim me Ambasadën Franceze në Shqipëri. Kjo është edhe e veçanta e këtij edicioni të IV.
Në këtë konkurs, janë përfshirë 42 artistë, nxënës e studentë, pa dallim moshe e profesioni, në shprehjen artistike inovative të temave e subjekteve, frymëzuar nga trashëgimia, historia e identiteti ynë kulturor.
Juria ndërkombëtare e konkursit do të kryesohet nga Drejtori i la Cite internationale de la bande dessinee et de l’image, Pierre Lungheretti.
VAZHDO TË LEXOSH MË TEPËR PËR TEMËN
Shfaqja “Pengu” në arTurbina
Komedia ”TAG”kthen të qeshurën në ”arTurbina”
Rivjen ‘’Terror’’ në arTurbina, mos e humbisni!
