Edhe pse e është zhvendosur në Prishtinë rreth 10 vite më parë dhe ka zhvilluar karrierën muzikore të saj edhe në Shqipëri e Kosovë, vetëm së fundmi, këngëtarja e njohur Dafina Zeqiri ka marrë pasaportën kosovare.
Dafina ka lindur dhe është rritur në Suedi, ndërsa ka udhëtuar shpesh me familjen e saj drejt Kosovës dhe SHBA-së.
Në një postim në “Instastory”, Dafina ka bërë të ditur se ka marrë pasaportën kosovare. “Deri te molla e kuqe”, ka shkruar Zeqiri në mbishkrimin e fotografisë, duke kujtuar kështu frazën e këngës së famshme popullore, e cila iu dedikohet territoreve dhe kufijve shqiptarë.
Dafina këtë vit është rikthyer në Kosovës nga Shtetet e Bashkuara të Amerikës, ku përreth dy vite kishte tentuar ndërtimin e një karriere ndërkombëtare edhe atje.
Bashkëpunimi me Lumi B dhe ai me Noizyn, si dhe disa projekte tjera solo, bën që këngëtarja shqiptare të rrëmbejë sërish vëmendjen e fansave të saj shqiptarë.
VAZHDO TË LEXOSH MË TEPËR PËR TEMËN
Shaqiri, dhuratë speciale për Dafina Zeqirin
Dafina Zeqiri, prej vitesh në shkelje të rregullave
