MENU
klinika

“Tolkieni e Kinës”

Miliona vajtojnë vdekjen e romancierit Jin Yong

02.11.2018 - 13:39

Autori, emri i vërtetë i të cilit ishte Louis Cha, është një nga shkrimtarët më të lexuar kinezë në botë.

Admiruesit në mbarë shoqërinë kineze flisnin për vdekjen e shkrimtarit të arteve marciale Louis Cha, i njohur më mirë me emrin e tij të stilolapsit Jin Yong, i cili vdiq të martën pasdite. Cha, 94, shkrimtar i mirënjohur për romanet epike Wuxia që pasojnë heronjë e kung fu-së në Kinën e lashtë, vdiq në një spital në Hong Kong pas një sëmundjeje të gjatë, sipas mediave të Hong Kongut.

Librat e tij janë përkthyer në shumë gjuhë, Cha është një nga autorët kinezë më të lexuar në botë, me admirues në të gjithë Kinën, Hong Kongin, Tajvanin dhe në të gjithë diasporën kineze. Tregimet e tij janë përshtatur në shfaqje televizive, filma, libra komikë dhe videolojëra.

Pjesa e parë e serisë së tij më të kërkuar: “Legjendat e heronjve Condor”, u botua kohët e fundit në gjuhën angleze.

Cha ka lindur në Kinë, por u zhvendos në Hong Kong përpara se Partia Komuniste kineze të merrte kontrollin e vendit në vitin 1949. Admiruesit kanë hedhur në rrjetet e ndryshme sociale tregimet e tyre të preferuara dhe fragmente nga librat e tij.

Të tjerë i kujtojnë romanet e tij si pjesë kyçe të fëmijërisë së tyre. “I lexoja librat e tu gjatë orës së mësimit, fshehur nën tavolinë. Keni qenë me mua gjatë gjithë fëmijërisë time”, – shkruante njëri nga admiruesit.

Një hashtag që shenjonte vdekjen e tij ishte një nga temat më të rëndësishme në Weibo, e parë më shumë se 1.3 miliard herë nga e mërkura pasdite.

Në Xiangyang, një qytet në Kinën qendrore, shpesh i paraqitur në romanet e Cha, banorët mbanin një vigjilje qirinjsh në muret e lashta të qytetit. Chip Tsao, një redaktor në Hong Kong dhe mik i Cha, shprehet se romancier ishte “tregimtari më i madh në letërsinë kineze për më shumë se 300 vjet”, – sipas mediave lokale.

Të mërkurën, profili i Cha në motorin e kërkimit Baidu u kthye në bardh e zi. Në Taobao, gjigandi i e-commerce themeluar nga Jack Ma, gjithashtu një admirues, klientët që kërkonin produkte të lidhura me Jin Yong u përshëndetën me foton Cha dhe një citim të famshëm nga një nga romanet e tij: “Shikoni retë, grumbulluar dhe hallakatura, të hallakatura dhe të mbledhura. Kjo është jeta”. Botët e shtria që Cha krijoi, të cilat përziernin artet marciale, fantazinë dhe romancën, kanë çuar në krahasime me JRR Tolkien. Historitë e tij shpesh karakterizojnë heronj që mbrojnë të pafuqishmit.

 Një admirues shkruante: “Bota që ai krijoi përfaqëson ëndrrat e kësaj gjenerate, asaj të mëparshmes dhe të shumë të tjerave. Në fund të çdo historie, ndihej shpirti i fisnikërisë dhe drejtësisë. Shpresoj që kjo frymë të mos venitet kurrë”.

Për dekada, Cha hodhi poshtë ndonjë interpretim politik të romaneve të tij. Si një eseist dhe bashkë-themelues i një prej gazetave më të mëdha të Hong Kongut, Ming Pao, ai shpesh kritikoi skajshmëritë e Partisë Komuniste. Babai i tij, i konsideruar si një armik i klasës, u ekzekutua në Kinë.

Në një intervistë 2014 për New Yorker, Cha pranoi alegoritë në tregimet e tij. “Mësuesi Hong i Mystic Dragon Sect?” – i tha ai revistës, duke iu referuar antagonistit të romanit të tij: ‘The deer and the Cauldron”. “Po, po – kjo do të thotë Partinë Komuniste”. Tha Cha në një fjalim, të botuar në vitin 2005: “Nuk më intereson nëse bëhem një figurë historike.

Gjithçka që dua është që pas një ose dyqind vjetësh, do të ketë njerëz që do të lexojnë librat e mi “.

(Marrë nga The Guardian)

VAZHDO TË LEXOSH MË TEPËR PËR TEMËN