Në mbledhjen e sotme të Komisionit të Ekonomisë dhe Financave, u diskutuan të ardhurat për projekt buxhetin e vitit 2019, ku dhe ministri i Financave dhe Ekonomisë Arben Ahmetaj tha se qeveria ka planifikuar më shumë rimbursim për kompanitë e mëdha të cilat kanë grumbulluar kapital për shkak të investimeve.
Ahmetaj u shpreh se rekomandon zero përjashtime nga TVSH për subjektet, ndërsa sipas tij nuk do ketë asnjë gjobë për subjektet që bëjnë gabime në llogarinë e xhiros.
“Kemi planifikuar më shumë rimbursim për vitin tjetër për kompanitë e mëdha të cilat kanë akumuluar shuma të mëdha për shkak të investimeve. Me TVSH duhet të jemi të kujdesshëm pasi është brenda tatimeve indirekte dhe më i mirë në kontributet e buxhetit të shtetit.
Rekomandoj zero përjashtime nga TVSH. Eksportet janë rritur me 15,4%. Asgjë gjobë ndaj subjekteve që bëjnë gabime në llogarinë e xhiros. Është forcuar besimi tek ekonomia vendase”- tha ministri Ahmetaj.
