MENU
klinika

Detajet

‘Shqipëri-Kosovë bashkohen në 2025-ën’/ Deputeti qipriot citon Ramën dhe i kërkon shpjegime Ballës

27.11.2018 - 13:49

Gjatë takimit të nivelit të Lartë BE-Shqipëri, kreu i grupit parlamentar socialist, Taulant Balla i është përgjigjur “shqetësimit” të eurodeputetit qipriot Takis Hadjigeorgiou në Parlamentin Europian, lidhur me deklaratat e kryeministrit Edi Rama dje në gjatë mbledhjes së përbashkët të qeverive të Shqipërisë dhe Kosovës në Pejë.

Hadjigeorgiou citoi Ramën ku sipas tij kryeministri foli për “bashkimin Shqipëri-Kosovë në 2025” dhe “qëndrimin me dy fytyra të Serbisë”.

Eurodeputeti qipriot kërkoi shpjegime nga Balla për këto deklarata të Ramës, i cili nuk ngurroi t’i përgjigjej duke saktësuar se 2025-a është viti i anëtarësimit të vendeve të Ballkanit Perëndimor në BE.

“Ne besojme se 2025 eshte momenti anetaresimit te vendeve te Ballkanit perendimor ne Bashkimin Europian. Mos kini frike nga bashkepunimi mes shqiptareve. Jemi faktor i rendesishem stabiliteti dhe paqeje ne Ballkan. Jemi krenar qe jemi kombi me proeuropian ne Rajon, ne Shqiperi mbeshtetja per anetaresim ne BE eshte mbi 90%. Zhvillojme me te gjithe fqinjet marredhenie shume te mira, perfshire Serbine”, tha Taulant Balla.

Balla-bruksel

Shpjegim, Balla kishte edhe për deklaratën e Ramës se qendrimi i Serbisë në raport me Kosovën është me dy fytyra.

“Së pari Serbia duhet te clirohet nga komplekset e vjetra ballkanike dhe duhet te pranoje realitetin e ri te pakthyeshem dhe njohe pavaresine e Kosoves. Eshte qendrim me dy fytyra qe nga njera ane behen bisedime, nga ana tjeter Serbia lobon kunder anetaresimit ne organizata nderkombetare siç ndodhi me Interpol. Anetarësimi i Kosovës në Interpol i ben mire luftes se perbashket kunder krimit”.

Nga ana tjetër, Balla tha gjatë diskutimeve në Parlamentin Europian, duke iu drejtuar eurodeputetit Takis Hadjigeorgiou, se një kolegia e tij, Eleni Theocharous, mori pjesë në ceremoninë e varrimit të një personi që hapi zjarr ndaj policisë.

“Nuk e di se pse nje eurodeputete qipriote (Eleni Theocharous) duhet te marre pjese ne ceremonine e varrimit te nje personi qe qelloi mbi policine. Kudo ne Europe te qellosh mbi policine eshte akt terrorist. Eshte e papranueshme per normat dhe vlerat e ketij Parlamenti qendrime dhe deklarata te tilla”.

Tjetër tërheqje nga balotazhet e ‘Primareve’

Kush është kandidati i Berishës për Sarandën

"E vetmja diplomate në histori që ka dëmtuar marrëdhëniet Shqipëri – SHBA"

Yuri Kim largohet nga Shqipëria, komenti i Berishës

"Gerti Shehu është përdorur nga Ardi Veliu si informator..."

Grushtet në protestë/ Berisha: E kam falur kamikazin pa eksploziv të Edi Ramës

Sulmoi Berishën në protestën e 6 dhjetorit

Arrest me burg për 31-vjeçarin Gert Shehu

Drejtoria detare del me paralajmërim

Përkeqësohen kushtet e motit në orët në vijim