Teatri ‘’Petro Marko’’dhe Qendra e Kulturës dhe Artit Vlorë në fundjavë do të vijë ndryshe.
Në datat 23, 24, 25 nëntor në orën 18: 00 do të shfaqet komedia ‘’Sundimi i Gruas’’ e kroatit Miro Gavran dhe me regji të shqiptares nga Kosova të Marigona Ferratit. Kjo shfaqie ka qenë e pëlqyer shumë nga publiku vlonjat dhe ai gjirokastrit ku është shfaqur më parë.
Subjekti i kësaj komedie vjen si një ndodhi brenda një shtëpie ku në qendër të dialogut është një grua në moshë të mesme. E martuar me burrin e dytë të saj, ajo padashur përjeton një panik të madh nga rikthimi i ish-burrit të parë që vjen nga burgu.
Ai ka dalë i pafajshëm dhe kërkon një strehë, përfundon si për ironi të fatit në një banesë me ish-gruan e bashkëshortin e ri.
Kësaj situate tragjike në sytë e gruas, i shtohet edhe një situatë tjetër që vjen aq në mënyrë për të qeshur me miqësinë midis bashkëshortit të ri dhe atij të vjetër. Situatat vazhdojnë e të mbajnë të mbërthyer deri në fund të shfaqies.
Kjo komedi vjen një lojë mjeshtërore dhe elegancë në syrin e publikut, ku interpretojnë D. Çaushi, A. Islami. M. Caushi dhe S. Dalipi.
Bileta është 200 lekë, ata që nuk e kanë parë akoma duhet të shpejtojnë që të shohin një komedi që do ta mbajnë mend gjatë gjithë jetës.
VAZHDO TË LEXOSH MË TEPËR PËR TEMËN
Komedia ”TAG”kthen të qeshurën në ”arTurbina”
