MENU
klinika

Anëtarësimi në INTERPOL

Vendet që votuan kundër Kosovës

21.11.2018 - 10:36

Pas dështimit të Kosovës për t’u pranuar në organizatën e policisë ndërkombëtare e njohur si INTERPOL, mediat serbe kanë publikuar listën e vendeve që kanë votuar kundër, pro si dhe të atyre që kanë abstenuar.

Kujtojmë se për pranimin e Kosovës në INTERPOL është votuar të martën në Asamblenë e Përgjithshme në Dubai, ku pas dy raundeve Kosova nuk arriti t’i sigurojë votat e mjaftueshme për pranim.

Në raundin e parë për pranimin e Kosovës kanë votuar pro 76 vende, 56 ishin kundër dhe 22 tjera kanë abstenuar, ndërkaq në total kanë votuar 154 vende.

Në raundin e dytë kanë votuar 135 vende, 68 ishin pro, 51 kundër dhe 16 kanë abstenuar.

Mediat në Serbi kanë publikuar listën e vendeve që e kanë përkrahur Serbinë, si dhe ato që votuan pro pranimit të Kosovës në INTERPOL.

Kundër Kosovës kanë votuar Republika e Afrikës së Jugut, Angola, Argjentina, Azerbajxhani, Bjellorusia, Bolivia, Bosnja dhe Hercegovina, Botsvana, Brazili, Kamboxhia, Kameruni, Kili, Kina, Qipro, Kongo, Kuba, Eritrea, Spanja, Greqia, Grenada, Guinea, Guinea Ekuatoriale, Ishujt Solomon, Indonezia, Iraku, Irani, Kenia, Kirgistani, Laosi, Libia, Libani, Malajzia, Maroku, Mauricius, Meksika, Moldavia, Mongoloa, Mozambiku, Mianmari, Namibia, Nepali, Uganda, Peruja, Filipinet, Republika Domenikane, Republika Demokratike e Kongos, Rumania, Rusia, Serbia, Sudani, Siria dhe Tunizi.

Ndërkaq vendet e rajonit që ishin pro pranimit të Kosovës në INTERPOL janë Mali i Zi, Sllovenia, Kroacia, Maqedonia dhe Bullgaria, ndërkaq Hungaria ka abstenuar. /Konica.al/

VAZHDO TË LEXOSH MË TEPËR PËR TEMËN


Përmbledhja ditore e rajonit

A do të anëtarësohet Kosova në INTERPOL?