23.11.2018 - 10:22
Sipas mediave nga Prishtina, policia e Kosovës ka zhvilluar sot një operacion në Mitrovicë, ku ka arrestuar 4 persona në lidhje me vrasjen e Oliver Ivanoviçit, kreut të iniciativës qytetare ‘Liri, Demokraci, Drejtësi’, si dhe sekretarit të ministrisë për Kosovën në qeverinë serbe, i vrarë jashtë zyrës së tij në Mitrovicën e Veriut më 16 janar të këtij viti.
Operacioni policor është zhvilluar në orët e para të mëngjesit dhe raportohet se janë arrestuar edhe ish-polici Dragisha Markoviç dhe Sasha Curciç.
Lideri i iniciativës qytetare ‘Liri, Demokraci, Drejtësi’, Oliver Ivanoviç u ekzekutua me armë zjarri në Kosovë në janar të këtij viti, ndërsa ende nuk janë arrestuar autorët.
