Është renditur i pesti në klasifikimin për “Topin e Artë”, por kjo nuk e ka mërzitur aspak Lionel Messin, që e ka nisur në mënyrën më të mirë të mundshme sezonin e ri 2018-19 dhe ka statistika individuale më të mira se çdo futbollist tjetër në çdo kategori.
Superylli argjentinas e frymëzoi Barcelonën të dielën drejt hakmarrjes së ëmbël ndaj Levantes, skuadrës që sezonin e kaluar ia kishte ndërprerë ecurinë prej 36 ndeshjeve pa humbje në La Liga, në një ndeshje pa praninë e Messit, duke e mposhtur 5-0 falë tregolëshit dhe dy asisteve të tij.
Messi tani ka 14 gola dhe 10 asiste në La Liga nga 14 ndeshje të luajtura. Sulmuesi i Barçës po ashtu i ka shënuar gjashtë gola në katër ndeshje në Champions League, dy më pak se Robert Leëandoëski, i cili dy prej tyre i ka shënuar nga penalltia.
STATISTIKAT E MESSIT
Më së shumti gola: 14
Më së shumti asiste: 10
Më së shumti pasime kyçe për ndeshje: 3.6
Më së shumti driblime për ndeshje: 4.4
Më së shumti gola nga goditja e dënimit
VAZHDO TË LEXOSH MË TEPËR PËR TEMËN
“Marca”: Këto shifra të Messit, për “Guinness”
10 gjërat që mbase nuk i keni ditur për Messin
