Sekretari i Mbrojtjes ka punuar për të mbrojtur botën nga vendimet e këqija të Presidentit Trump. Por edhe ai kishte kufijtë e tij.
Jim Mattis, si sekretar i mbrojtjes, ka bërë çmos për të ruajtur dhe mbrojtur sistemin e aleancave globale për të cilat Shtetet e Bashkuara shpenzuan 70 vjet për t’I ndërutar dhe drejtuar. Në letrën e tij të dorëheqjes të enjten, Mattis shkroi se Shtetet e Bashkuara ishin “kombi më i domosdoshëm në botën e lirë”.
“Forca jonë si komb,” shkroi ai, “është e lidhur pazgjidhshmërisht me forcën e sistemit unik dhe gjithëpërfshirës të aleancave dhe partneriteteve”.
Kjo me sa duket nuk është pikëpamja e Presidentit Trump.
Disa njerëz mendonin se sapo zoti Trump të merrte detyrën dhe të merrte përgjegjësitë presidenciale, ai do të përpiqej ta mbante kombin të sigurt dhe botën të lirë.
Mattis, një njeri i respektuar dhe i disiplinuar, iu kundërvu shpesh pikëpamjeve kaotike të Trump Ai punoi për të parandaluar ose hedhur poshtë vendimet e rrezikshme dhe impulsive presidenciale, dhe ai shpesh bëri ndryshimin.
Mattis ndihmoi të bindte Trump që të mos largohej nga NATO dhe të punonte për të siguruar Europën se Shtetet e Bashkuara mbetën të përkushtuara për një mbrojtje të përbashkët të kontinentit.
Mattis ofroi të njëjtën garanci për aleatët e Amerikës në Azi, të cilët janë të alarmuar nga Kinë dhe paparashikueshmëria e Koresë së Veriut.
Gjatë fazës së acarimit me Korenë e Veriut, Trump konsideroi urdhërimin e evakuimit të familjeve ushtarake nga Koreja e Jugut, e cila mund të interpretohej nga Pheniani si një sulm amerikan. Sipas CNN, Mattis ka punuar për të zbutur urdhrin, i cili nuk u zbatua kurrë.
Megjithëse nuk mundi ta ndalonte, Mattis ndihmoi në shtyrjen e shfuqizimit të marrëveshjes bërthamore të Iranit. Ai gjithashtu nuk ishte në gjendje të parandalonte zhvendosjen e ambasadës amerikane nga Izraeli në Jeruzalem.
Në fund, ishte vendimi i Trump për të tërhequr menjëherë trupat nga Siria që e shtyu Jim Mattisin drejt dorëheqjes.
Të mërkurën, presidenti tha se do të tërhiqte të gjitha 2,000 trupat amerikane, një vendim që ishte lajm i mirëpritur për Rusinë, Iranin dhe Turqinë.
Presidentët, natyrisht, kanë autoritetin për të marrë vendime të tilla. Por, presidentët gjithashtu tradicionalisht i planifikojnë me kujdes këto vendime dheflasin për to me aleatët.
Mattis nuk mund tandryshonte vendimin e Trump. Dhe tani, Trump po mendon gjithashtu një tërheqje të njëanshme të forcave në Afganistan.
Presidentët kanë fuqi të jashtëzakonshme për të bërë politikën e sigurisë kombëtare. Por Kongresi gjithashtu ka një rol për të luajtur.
Legjislacioni që kërkon që fjalët e sekretarët e shtetit dhe të mbrojtjes të kenë peshë për sa i përket përdorimit të armëve bërthamore. Duhet të kërkohet miratimi i Kongresit për tu larguar nga NATO ose marrëveshje të tjera, si Traktati i Forcave Bërthamore me Rusinë.
Senati do të ishte mire të gjnete një kandidat për sekretarin e mbrojtjes, që ngjason më shumë me Mattis sesa me Trump./konica.al
VAZHDO TË LEXOSH MË TEPËR PËR TEMËN
Pse u largua Jim Mattis, Sekretari amerikan i Mbrojtjes?
Aleatët e NATO-s, të shqetësuar për largimin e sekretarit Mattis
Jim Mattis, amerikani i vetëm që kërkon paqe me Kinën…
