Pas shumë e shumë përpjekjesh, më në fund, ka ardhur edhe fitorja e parë për trajnerin Ard Mema. Tirana ka fituar pastër 4-0 në shtëpi me Kastriotin e vendit të fundit. Një sukses që largon “fantazmat” e rënies nga Kategoria Superiore dhe tashmë bardheblutë janë më të qetë.
Nisi gjithçka mirë për vendasit, të cilët fituan një 11-metërsh pak pasi ishin mbushur 10 minuta lojë. Portieri Kuka ndali në mënyrë të parregullt Sentamun brenda zone dhe Laver Alla menjëherë drejtori gishtin nga pika e bardhë e penalltisë.
Edon Hasani me mjaft qetësi nuk e ka të vështirë që të shënojë.
U vuajnë disi në lëvizje krutanët, që nga ai moment treguan më shumë dëshirë që të rrezikonin portën e Likës, megjithatë pa pasur forcën e mjaftueshme për të krijuar ndonjë situatë vërtetë të rrezikshme në zonën e bardhebluve. Mendoi Bedri Greca për t’i dhënë qetësinë 24-herë kampionëve të vendit, para fundit të pjesës së parë.
Pjesa e dytë kishte një panoramë të vakët dhe me rastet që munguan. Tirana shënoi edhe dy herë të tjera, teksa ishte Ngo si fillim, i cili shënoi pak sekonda pasi u fut në lojë.
Në minutën e fundit të kohës së rregullt ishte Sentamu, i cili shënoi golin e katërt, duke regjistruar kështu fitoren më të thellë të Tiranës për këtë edicion. Një sukses shumë i nevojshëm për kryeqytetasit, që tani shkojnë në vendin e 7-të me 14 pikë, duke kaluar Luftëtarin, por gjirokastritët kanë një ndeshje më pak.
TIRANA – KASTRIOTI 4-0
Hasani 11′, Greca 42′, Ngo 78′, Sentamu 90′
Tirana: Abibi, Doka, Atinga (Turtulli 74′), Hoxhallari, Imami, Krabeci, Daja, Hasani, Halili (Ngo 67′, Greca (Mauexhe 71′), Sentamu. Trajner: Ardian Mema.
Kastrioti: Kuka (Puja 46′), Husein (Bardhi 28′), Shehi (T. Marku 66′), Çela, Stijepoviç, Domgjoni, Ymeraj, Okebugu, Shehu, H. Marku, Roxher. Trajner: Stavri Nica.
Kartonë të verdhë: Sentamu 50’/ Kuka 10′, Ymeraj 66′
Gjyqtarë: Laver Alla, Rudin Preça, Marjus Qose, Olsid Ferataj
VAZHDO TË LEXOSH MË TEPËR PËR TEMËN
