MENU
klinika

Nga New York Times

Donald Trump, “arkitekt krimesh”…

10.12.2018 - 14:15

Askush nuk është mbi ligjin në Amerikë.

Është shumë e mundur që presidenti i Shteteve të Bashkuara është kriminel. Dhe është shumë e mundur që kriminaliteti i tij ndikon në udhëheqjen e tij.

Javën e kaluar, prokurorët bënë të qartë dënimin për avokatin personal të Donald Trump, Michael Cohen, që vetë Trump e kishte urdhëruar për të thyer ligjet e financimit të fushatës.

Po, ndërkohë ende flitet rreth përpjekjeve të Trump për të ndikuar zgjedhjet në Moskë dhe lidhjet me rusët gjatë fushatës. Pra, të gjithë njerëzit në rrethin e Trump kanë pranuar të gënjejnë rreth ndonjë gjëje, duke përfshirë kontaktet e tyre me rusët.

Por, përtej gjithë kësaj, ne tani kemi një të vërtetë. Një krim federal. Dhe presidenti është arkitekti i saj.

Trump pëlqen të thotë për çështjen e emigracionit se nëse nuk ka kufi, nuk ka shtet. Unë them se nëse nuk ka drejtësi,nuk ka shtet.

Amerika është një vend ligjesh dhe, asnjë njeri nuk mund të jetë mbi ligjin.

Siç shkroi Thomas Paine në 1776 “Në Amerikë ligji është mbret. Sepse, ashtu si në qeveritë absolute, mbreti është ligj, kështu që në vendet e lira ligji duhet të jetë mbret; dhe nuk duhet të ketë asnjë tjetër.”

kolana e librave

E megjithatë, ekipi i tij dhe në një farë mase mbështetësit e tij në Kongres duket se e shohin Trumpin shumë më tepër se ligji. Diçka është e çuditshme: meqenëse ai është president, ka ligje që ai nuk është i detyruar t’i bindet.

Vitin e kaluar, një nga avokatët e presidentit shkoi edhe më tej, duke pretenduar se “presidenti nuk mund të pengojë drejtësinë, sepse ai është zyrtari kryesor i zbatimit të ligjit dhe ka çdo të drejtë për të shprehur pikëpamjen e tij për çdo rast”.

Burgjet e Amerikës janë mbushur me njerëz të cilët janë akuzuar për një krim, por ende nuk janë dënuar. Sipas Iniciativës së Politikave të Burgjeve, “70 për qind e njerëzve në burgjet lokale nuk janë dënuar për ndonjë krim”. Shkelja e tyre primare është se ata janë të varfër dhe të pafuqishëm.

Sipas prokurorëve, Trump urdhëroi Cohen për të kryer një krim. Pastaj ai gënjeu për këtë dhe i udhëzoi të tjerët që të gënjejnë për të në emër të tij. Ai e mashtroi popullin amerikan nëpërmjet një komploti gënjeshtrash, dhe ai e bëri këtë për mbrojtjen e presidencës së tij.

Statuti i kufizimeve për shkeljet e financimit të fushatës është pesë vjet. Rizgjedhja mund të jetë shpresa e vetme e Trump për të shmangur drejtësinë.

Por kjo gjithashtu u jep votuesve fuqi të jashtëzakonshme në vitin 2020. Ata nuk do të zgjedhin vetëm presidentin e ardhshëm dhe do të përcaktojnë drejtimin e vendit. Ata gjithashtu mund të vendosin nëse një president do të gjykohet, dënohet dhe burgoset për herë të parë në historinë e vendit.

Kjo është një përgjegjësi e madhe, por është e nevojshme. Duhet të dëshmojmë se institucionet tona janë më të rëndësishme sesa ideologjitë tona, se Amerika nuk mund të shkelet nga të korruptuarit, mashtruesit dhe hajdutët.

Charles Blow u bashkua me The Times në 1994 dhe u bë gazetar i Opinionit në vitin 2008. Ai shkruan shpesh për për politikën, drejtësinë dhe komunitetet e pambrojtura.

VAZHDO TË LEXOSH MË TEPËR PËR TEMËN