Elbasani shkëlqeu me këngën e fëmijëve për dy net me radhë dhe në interpretimin e mrekullueshëm gazmor të tyre përballë një publiku të shumtë artashësish që nuk kursyen duartrokitjet.
Në Elbasan është mbajtur edicioni i pestë i Festivalit me Interpretuesit e Vegjël. Në efektin e shumë emocioneve në në teatrin “Skampa” fëmijët e vegjël kanë kënduar dhe kërcyer, po aq sa dhe janë gëzuar në një festival të tillë.
Nën drejtimin e Udhëheqësit Artistik Liman Koxha, vogëlushët performuan në mënyrë të shkëlqyeshme duke dhënë emocione të pamata për artdashësit.
‘’Është një brez që po rriten me muzikën, shpresoj të jenë e ardhmja e këngës në Elbasan’’ u shpreh Liman Koxha.
Udhëheqës të këtij eventi të rëndësishëm artistik për brezat e rinj, që janë zëri më i mirë i së ardhmes në kulturë ishte udhëheqësi artistik Liman Koxha.
Ndër shumë vogëlushë ka pasur angazhime serioze dhe kjo u duk në performancën e tyre. Ky kompeticion serioz ishte një udhëtim për të gjetur dhe për të identifikuar talente të reja tek fëmijët të cilët u shprehën gjithashtu të emocionuar në këngët e tyre.
Për drejtorin e Qendrës Kulturore të Fëmijëve, edukimi me artin dhe kulturën vjen në zgjedhjen e këtyre lloj premisave për fëmijët.
Ata aktivizohen dhe krijojnë zgjedhjet e tyre për këngët e preferuara, por kjo ndikon edhe për rigjenerimin e kulturës si dhe për riaftësimin e shumë vlerave që kultura ka.
Në dy netë me radhë kanë shkëlqyer shumë zëra por dalloi Iris Sula që për të dytin vit radhasi rrëmbeu çmimin e parë. Ajo e emocionuar u shpreh se ishte sa e gëzuar dhe e suprizuar, pasi dhe vjet ishte ajo dhe e ndiente si detyrë përgatitjen më të mirë.
Ky spektakël erdhi dhe si argëtim për festat e fundvitit në qytetin e bukur të Elbasanit, po aq sa dhe me tradita në lëmin e kulturës.
VAZHDO TË LEXOSH MË TEPËR PËR TEMËN
Kush do e përfaqësojë Shqipërinë në Eurovision?
