Pas shumë orë diskutimesh dhe debatesh mes këshilltarëve socialistë, demokratë dhe ata të LSI, është arritur kompromisi për mos miratimin e buxhetit në mbledhjen e sotme maratonë të legjislativit vendor duke e shtyrë pas tre ditësh.
Kjo pas bërjes transparencë të shpenzimeve dhe grafikut financiar të kuotës 25% që ka Bashkia si aksionere në SportKlub Luftëtari. Bashkë me të edhe rishikimi i projektinvestimit për rehabilitimin e rrugës së fshatit Palokastër pas dëmtimit të saj.
Këshilltarët e PD kanë qenë agresiv në mosmiratimin e buxhetit në mbledhjen e sotme pasi 54% e tij, është planifikuar për pagat e punonjësve të administratës së Bashkisë dhe agjencive që varen prej saj.
Kjo për këshilltarët demokratë Ilir Gushi, Roland Bejko, Beqir Gjika dhe kryedemokratin e Gjirokastrës Dasho Aliko është e papranueshme pasi nuk gjenden shembuj të tillë që më shumë se gjysma e buxhetit të shkojë për paga.
VAZHDO TË LEXOSH MË TEPËR PËR TEMËN
Punësimi, Gjirokastra kryeson, Memaliaj problematik
Gjirokastër, falimentojnë bizneset
