MENU
klinika

Premier League, Java 18

Humb City dhe Chelsea, gëzon Liverpool

22.12.2018 - 17:58

Java e 18-të e Premier League ka rezultuar me fat për Liverpool, pasi ka fituar në transfertë ndeshjen e vet, ndërsa Manchester City dhe Chelsea kanë humbur në ndeshjet e shëtpisë, përkatësisht 2-3 ndaj Crystal Palace dhe 0-1 kundër Leicester.

Pikërisht atëherë kur nuk pritej, dy pretendentët kryesorë të Premier League kanë humbur, për më tepër, në fushën e tyre. Një “bonus” për Liverpool, që tashmë kryeson me 4 pikë para City-t, kur mbeten edhe 20 javë deri në fund.

City e nisi ndeshjen si gjithmonë, duke dominuar mbajtjen e topit dhe duke mbajtur larg portës së tij kundërshtarin. Por hapësirat në zonën kundërshtare nuk ekzistonin dhe duhej pritur minuta e 27’ që vendasit të gjenin golin e avantazhit. Ishte një kros nga thellësia i Delph që gjen Gundogan brenda zonës.

Gjermani godet bukur me kokë dhe dërgon topin në rrjetë. Por vetëm gjashtë minuta më pas, nëpërmjet një aksioni pa shumë pretendime miqtë shënojnë golin e avantazhit me anë të Schlupp.

Ajo ishte goditja e parë në portën e City-t. Dy minuta më pas, në minutën e 35’, ishte Townsend ai që përmbys gjithçka me një gol që do të jetë kandidat për golin e sezonit.

konica sportkonica sport mobile

Pas pushimit Qytetarët marrin një tjetër shuplakë teksa Milivojevic shënon golin e tretë për vizitorët nga pika e bardhë e penalltisë. Uardiola reagon menjëherë duke futur në fushë Aguero, Mahrez dhe De Bruyne, por City e ka shumë të vështirë të depërtojë në prapavijën hermetike të ndërtuar nga ujku i vjetër Roy Hodgson.

De Bruyne i jep një fije shpresë City-t me golin e tij në minutën e 85’. Belgu ishte me shumë fat teksa krosi i tij përfundoi në rrjetë. Por në minutat e mbetura rezultati mbetet i pandryshuar dhe Palace i ka bërë një nder të madh Liverpool-it me këtë fitore historike.

Ndërkohë, Chelsea gjithashtu ka humbur në shtëpi me rezultatin 1-0 ndaj Leicester City. Ishte një tjetër paraqitje e dobët e djemve të Sarri-t që tani rrezikojnë të mbeten jashtë katër më të mirëve.

Ishte Jamie Vardy ai që ndëshkoi Blutë e Londrës në pjesën e parë dhe, megjithëse kishin shumë kohë në dispozicion, ata nuk arritën të shënon të paktën golin e barazimit duke lejuar Leicester të largohet me tre pikë nga Stamford Bridge.

VAZHDO TË LEXOSH MË TEPËR PËR TEMËN