MENU

Aktorja zbulon tmerrin

Kërcënime me vdekje pas ndarjes nga Johnny Depp!

19.12.2018 - 17:32

Dy vite më parë, ndarja e Johnny Depp nga Amber Heard “pushtoi” mediat pasi u shoqërua me një mori akuzash nga aktorja e famshme.

Por në një intervistë të dhënë së fundmi për “Washington Post”, Amber i është rikthyer edhe një herë periudhës pas ndarjes dhe ka zbuluar tmerret që përjetoi në vitin 2016.

Dyshja, të cilët u divorcuan ligjërisht vitin e kaluar, u ndanë prej akuzave të Heard se Depp ka ushtruar dhunë fizike e psikologjike mbi të, akuza këto të cilat ai vazhdon t’i mohojë.

Në rrëfimin e saj 32-vjeçarja tregoi se pas akuzave të cilat u bënë publike ajo merrte vazhdimisht kërcënime për vrasje që ende janë anonime.

Amber detyrohej të ndryshonte numrin e saj gati çdo javë dhe thuajse nuk ka dalë nga shtëpia për muaj të tërë pasi kishte frikë se do të përndiqej.

VAZHDO TË LEXOSH MË TEPËR PËR TEMËN