Edhe këtë vit nuk ka liberalizim të vizave për Kosovën. Komisionari i Bashkimit Evropian, Johannes Hahn, tha se koha e mundshme që kjo të ndodh është viti 2020.
Krerët e institucioneve në Kosovë asnjëherë nuk i ndalen premtimet duke dhënë data nga më të ndryshmet. Shoqëria civile dhe opozita kërkojnë përgjegjësi, ndërkohë ka që mendojnë se Bashkimi Evropian po tregohet i padrejtë në raport me Kosovën.
Hahn zgjodhi Prishtinën për të dhënë lajmin e hidhur për gjithë kosovarët. Asnjë përgjegjësi ende askush nuk ka dhënë nga udhëheqësit e Kosovës, për mosrealizimin e këtyre premtimeve.
Qytetarëve të Kosovës u është premtuar lëvizja e lirë që shumë vite. Në vitin 2011 kryeministri i atëhershëm, Hashim Thaçi kishte thënë se brenda pesëmbëdhjetë muajve kjo çështje do të përfundojë. /Konica.al/
VAZHDO TË LEXOSH MË TEPËR PËR TEMËN
Çfarë do të bisedojë Hahn me liderët kosovar?
‘Qytetarëve të Kosovës t’u jepet liberalizimi i vizave’
‘Pa viza, s’ka dialog’
