Kryeministri kinez vajti për të inspektuar një nga tregjet e mishit.
Gjatë vizitës, iu afrua një kasapi dhe filluan të bisedojnë ngrohtësisht.
Kryeministri: “Paske mish te mirë. Si shkon shitja?”
Kasapi: “Në përgjithësi mirë, por sot nuk kemi shitur asnjë kg mish.”
Kryeministri: “E përse?!”
Kasapi iu përgjigj: “Për shkak të vizitës tuaj, të gjithë njerëzit nuk janë lejuar të hyjnë brenda në treg.”
I zënë ngushtë, Kryeministri i tha: “Epo mirë, bëj gati 4 kg mish se do ti blej unë!”
Kasapi: “Më ndjeni, por nuk mundem.”
Kryeministri: “E përse?!”
Kasapi: “Sepse, për shkak të vizitës tuaj, na i kanë marrë të gjitha thikat dhe hanxharët me të cilët ndajmë mishin.”
Kryeministri, i zënë dhe më ngushtë tha: “Mund të më japësh edhe pa nevojën e thikës, ja këtë copën e mishit këtu!”
Kasapi: “Nuk mundem.”
I befasuar, kryeministri pyeti: “Pse nuk mundesh?”
Kasapi: “Sepse unë nuk jam kasap, por jam oficer policie.”
Kryeministri e humbi toruan dhe bërtiti: “Më sill menjëherë shefin tënd!”
Kasapi: “Edhe ai po shet mish në anën tjetër!”
Nga E.F
