16.12.2018 - 13:55
Vendimi i qeverisë për mbylljen e basteve sportive dhe kazinove po gjen zbatim në Berat. Duket se pronarët kanë vendosur të mos presin ditët e fundit për të kycur bizneset që do të konsiderohen të paligjshme.
Vendimi është mirëpritur nga banorët, që thonë se bastet po shkatërronin familje.
Edhe në Kukës, të pakta kanë mbetur pikat basteve sportive që po shfrytëzojnë edhe javët e fundit për të zhvilluar aktivitetin. Mbyllja e lojërave të fatit dhe basteve sportive ishte kërkesa e hershme komunitetit të banorëve të Kukësit, duke i konsideruar si shkak për probleme sociale në zonën më të varfër të vendit.
Sipas ligjit, duke nisur nga data 31 dhjetor, do pushojnë së funksionuari të gjitha kazinotë elektronike dhe pikat e basteve sportive.
