Studentët vijojnë të sfidojnë reshjet e shiut para godinës së kryeministrisë. Ata sot kanë hyrë në ditën e dhjetë me radhë duke kërkuar me ngulm plotësimin e pikave të adresuara me shkresë zyrtare tek kryeministria, ndërsa siç shprehen vetë studentët, nuk do të ketë asnjë dialog dhe negociata me shefin e ekzekutivit pa i plotësuar më parë të 8 pikat.
Gjatë ditës së nesërme është theksuar se protesta e studentëve do të jetë mbarëkombëtare dhe për shkak të kësaj, diskutohen disa skenarë të mundshëm se ku mund të protestohet dhe si do të jetë numri i tyre, duke marrë në shqyrtim se nesër është ditë pushimi dhe shumë studentë shpërndahen nëpër rrethe.
Për protestën dhe vendin ku do të protestohet, ka shumë ide, ku një pjesë e studentëve shprehet se do të protestojnë nesër tek Zogu i Zi, por kjo ide duket se është hedhur poshtë.
Një grup tjetër shprehet se nuk ka punë me rrugët, por kauza e tyre është tek kryeministria. Ka thirrje dhe ftesë për protestë mbarëkombëtare, por jo organizime të mirëfillta. Shumë studentë shkojnë në shtëpi për të siguruar ushqimin e javës.
Gjatë fundjavës ka patur shumë studentë pjesëmarrës në protestë.
VAZHDO TË LEXOSH MË TEPËR PËR TEMËN
Protestat studentore/ Meta: Të reagojnë institucionet
Vazhdojnë protestat studentore, 10 kërkesa të tjera për MAS
