Presidenti Trump ka shprehur qartë synimin e tij të shtunën për të tërhequr Shtetet e Bashkuara nga Marrëveshja e Tregtisë së Lirë të Amerikës së Veriut shumë shpejt, një masë që synonte të detyronte Demokratët të miratojnë një version të rishikuar të paktit.
“Unë do të përfundoj zyrtarisht NAFTA-n së shpejti”, tha Trump gazetarëve rrugës për një konferencë në Buenos Aires një ditë pasi u shfaq në ceremoninë e nënshkrimit të marrëveshjes së re me Kanadanë dhe Meksikën.
Nëse presidenti do të vazhdojë me këtë ide, udhëheqësit e kongresit do të kenë gjashtë muaj për të kaluar masën. Marrëveshja ka humbur mbështetjen ditët e fundit.
Nëse asnjë marrëveshje nuk mund të arrihet, të dyja versionet e traktatit do të ishin të pavlefshme, gjë që do të rezultonte në një treg shumë më të kufizuar, që mund të ketë një ndikim të rëndë në industrinë dhe bujqësinë në të tre vendet.
Ndër të tjerash, Trump iu tha gazetarëve se takimi i tij i dytë me Kim Jong-un, kreun e Koresë së Veriut, mund të mbahet në janar apo shkurt.
Njoftimi i Trump, i cili erdhi menjëherë pasi ai bisedoi me udhëheqësin kinez Xi Jinping.
E gjithë kjo deklaratë i habiti të gjithë këshilltarët ekonomik të Trump: Gjatë udhëtimit në Argjentinë, shumica e tyre thuhej të besonin vërtet se Trump mund ta bënte.
Trump është zemëruar së tepërmi me demokratët, dhe beson se ata janë gati të hedhin poshtë një marrëveshje të mire, sesa të shohin presidentin të arrijë një nga qëllimet e tij të fushatës.
Peter Navarro, këshilltari tregtar i Trump, e kishte nxitur vazhdimisht presidentin që të tërhiqej zyrtarisht nga marrëveshja e vjetër NATA dhe Trump shpesh kërcënonte se do ta bënte me të vërtetë, gjatë takimeve me anëtarët e stafit dhe liderët e huaj.
Deri të premten, kishte folur për këtë me këshilltarët Gary D. Cohn, ish-kreu i Këshillit Kombëtar Ekonomik; pasardhësi i tij, Larry Kudlow; dhe Steven Mnuchin, i cili shënoi një fitore të rëndësishme të shtunën pasi kishte shtyrë presidentin për të ndaluar tarifat e reja kundër Kinës.
Choe Sang-Hun kontribuoi në raportim nga Seuli, Koreja e Jugut.
VAZHDO TË LEXOSH MË TEPËR PËR TEMËN
Nënshkruhet marrëveshja e re tregtare SHBA-Meksikë-Kanada
‘NAFTA’/ Trump përjashton Kanadanë
