Pasi Komisioni i Venecias miratoi opinionin përfundimtar për vettingun në politikë, reagoi kryeministri Edi Rama duke sulmuar ashpër kreun e PD, Lulzim Basha, por menjëherë pas tij ka reaguar edhe ky i fundit.
“Hajduti psiqik ka 9 ditë që nuk kupton as shqipen, pale pastaj anglishten! Mirënjohje Komisionit të Venecias që hapi dritën jeshile për vetingun e politikanëve. Asgjë nuk e shpëton hajdutin psiqik nga lidhjet me krimin! Koha kur politikanët janë mbi ligjin po mbaron!,” shkruan Basha.
“Eh Artist, s’më vjen mirë për ty, po ti s’ve mend! Vate e u mbyt në ujin e Venecias edhe Gjojavetingu yt, një nga ato manovrat e tua në xunkth që e kanë bërë PD aq shumë joserioze në sytë e njerëzve, sa jeni hedhur në ilegalitet për të penguar Dialogun mes studentëve e qeverisë?”, shkruajti Rama pak më herët në Twitter.
