Edukimi përmes Kulturës është prioritet i të gjithë trupave përbërëse të Teatrit Kombëtar i Operas,Baletit dhe Ansamblit Popullor, duke i trasmetuar brezave të rinj vlerat që arti dhe kultura trasmenton.
Në kuadër të këtij projekti trupa e Ansamblit Popullor startoi ditën e djeshme sezonin e ri 2019 në shkollën 9 – vjeçare “Naim Frashëri”.
Në palestrën e shkollës u zhvillua një “workshop” me nxënësit e kësaj shkolle, duke i shpjeguar atyre vlerat e folklorit të pasur shqiptar e më pas duke interpretuar disa pjesë të njohura në një koncert të organizuar posaçërisht për ta.
Atmosfera e krijuar në aktivitet u bë edhe më e larmishme kur bashkë me grupin e vallave të Ansamblit Popullor u bashkuan edhe nxënësit e shkollës, për të mësuar Vallen e “Rugovës” dhe vallen “Katjushka”.
