“Është 65 € më i lartë se vitin e shkuar, por ngrihet me 5 muaj edhe mosha kur mund të kërkohet“, kështu është bërë me dije nga Instituti Nacional për Sigurimin Social në Itali.
Ky është një lajm i mirë për të gjithë shqiptarët emigrantë në Itali që përfitojnë nga pagesa sociale.
Sipas njoftimit të INPS, shuma vjetore e çekut social për emigrantët nga 5.889,00 euro që ishte për vitin 2018, ka shkuar në 5.954,00 euro për 2019.
Në faqen zyrtare të saj, INPS shpjegon se kjo rritje e vogël e shumës vjen si rrjedhojë e një rritjeje me 1.1 % të kostos së jetesës në Itali.
Kjo rritje e çekut ka hyrë në fuqi që me 1 janar të 2019. Por ky lajm nuk është vetëm i mirë për emigrantët.
“Pas çdo të mire, fshihet gjithmonë diçka ‘jo e mirë”, një shprehje kjo që vlen edhe për rastin konkret.
Një tjetër ndryshim ka prekur çekun social për emigrantët. Pas rritjes së shumës së përfitimit, është rritur edhe mosha e përfituesve të këtij çeku.
Duke nisur nga 1 janari i 2019, përfituesit e çekut social janë vetëm ata që kanë mbushur 67 vjeç.
Lidhur me rritjen e moshës, INPS më 6 dhjetor 2018 sqaronte se kjo rritje e moshës për të drejtën e pensionit është e lidhur me reformën Fornero, që përshtat moshën e daljes në pension me rritjen e “shpresës së jetëgjatësisë”.
KUSH E PËRFITON ÇEKUN SOCIAL?
-Shtetasit më të varfër italian, komunitarë dhe jo komunitarë me kartë qëndrimi në Itali prej të paktën 10 vitesh.
-I moshuari që aplikon, nëse nuk është i martuar s’duhet të ketë asnjë formë fitimi apo të ketë të ardhura vjetore më të ulëta se çeku.
-Të gjithë të moshuarit e pamartuar që nuk kanë asnjë të ardhur.
-Të gjithë të moshuarit e martuar që kanë të ardhura familjare jo më të ulëta se çeku social.
-Në masë të reduktuar, kanë të drejtën e çekut dhe të martuarit me të ardhura familjare më të ulëta se shuma e një çeku.
SHEMBULL: Nëse një i moshuar i pamartuar që jeton në Itali, ka një pension në Shqipëri prej 1.000 € në vit, do të marrë si çek social vetëm 4.954,00 në vit, ose 13 këste nga 381,08 €. Por një i moshuar mbi 67 vjeç që jeton me bashkëshorten që arrin të fitojë 8.000 euro në vit do të marrë si çek social vetëm 3.908,00 në vit (11.908,00-8.000,00), ose 13 këste nga 300,62 €. Nëse bashkëshortja fiton deri në 5.954,00 euro në vit, i moshuari fiton çekun social të plotë.
Kujtojmë që ky çek nuk është i përhershëm, ka karakter të përkohshëm sepse çdo vit verifikohet përmbushja e kriterit të të ardhurave nën shumën e çekut dhe i rezidencës efektive në Itali.
RREGULLA:
-E drejta e çekut nuk u kalon trashëgimtarëve.
-Nuk është i transferueshëm jashtë Italisë.
-Nëse përfituesi i çekut qëndron jashtë Italisë mëshumë se 30 ditë çeku social pezullohet.
-Një vit pas pezullimit, e drejta e çekut humbet.
SI APLIKOHET PËR ÇEKUN SOCIAL?
-Kërkesa paraqitet online në faqen në internet në INPS përmes shërbimit përkatës. Klikohet mbi butonin “Accedi al servizio”.
-Kërkesa paraqitet edhe përmes numrit të gjelbër 803.164 (falas nga rrjeti i telefonisë fikse) ose 06.164.164 (nga celularët).
-Përmes patronateve në Itali, ku jepen informacione rreth dokumeteve të nevojshme si edhe përpilohen kërkesa për të interesuarit.
VAZHDO TË LEXOSH MË TEPËR PËR TEMËN
‘Jelekverdhët’, katastrofë ekonomike për Francën
Vjollca Hoxha merr “timonin” edhe në Digitalb
