Qeveria ka miratuar Strategjinë Afatmesme të Menaxhimit të Borxhit për priudhën 2019-2021, e cila është botuar në Fletoren Zyrtare që synon reduktimin e kostove të borxhit në terma aftagjatë, përmes uljes së ekspozimit ndaj risqeve si dhe zhvillimin e tregut të titujve shtetërore.
Por, në strategji është parashikuar që disa nga rreziqet kryesore që mund të kenë ndikim në borxhin publik janë risku i rifinancimit, për shkak të nivelit të lartë të titujve që rifinancohen në periudhë afatshkurtër; risku i normave të interesit, për shkak të nivelit ende të lartë të borxhit aftashkurtër; risku nga kursi i këmbimit, ku synohet ruajta e raportit të stoku të borxhit shtetëror në valutë në raport me totalin e borxhit shtetëror; risku i likujditetit dhe risku operacional.
Në strategji thuhet se nëse financat publike do të vijojnë të ndjekin rrugën e konsolidimit fiskal duke i dhënë mundësi vendit të mbajë ose përmirësojë vlerësimin e riskut të kreditit, ritmet e rritjes ekonomike do të përshpejtohen në 4.5% në vitin 2021, kursi i këmbimit të euros ndaj monedhës vendase mund të rikthehet gradualisht në nivelin 130 lek, dhe niveli i borxhit të qeverisjes qendrore në raport me PBB-në do të vijojë të ndjekë trajektoren rënëse të nisur nga viti 2016 dhe në këto kushte, parashikohet që të arrijë në nivelin 60% në fund të periudhës afatmesme.
Ndërsa borxhi në valutë në raport me totalin e përgjithshëm pritet të ketë një rritje të moderuar, por duke qendruar nën kufirin strategjik prej 55%.
Referuar parashikimeve që normat e interesit gjatë tre viteve do të shoqëroren me rritje graduale, vlerësohet se kostot e borxhit shtetëror në vlerë absolute gjithashtu do shoqërohen me rritje dhe mund të shkojnë deri në 45 mld lekë deri në fund të vitit 2021 , ndërsa në vlerë relative priten të jenë të qëndrueshme, duke mbajtur nën kontroll riskun fiskal dhe aftësinë paguese të qeverisë.
VAZHDO TË LEXOSH MË TEPËR PËR TEMËN
‘Në 2019 borxhi publik shkon në 65.3%’
Borxhi publik, 66% në fund të shtatorit
