Ish i dërguari i Sekretarit të Kombeve të Bashkuara në Kosovë, Kai Eide, po kërkon nga Kosova dhe Serbia që sa më shpejt të vazhdojnë dialogun.
Në një postim në rrjetin social Twitter, Eide ka thënë se këto dy vende duhet të gjejnë një zgjidhje, që krijon stabilitet.
Sipas tij, “hapat që dëmtojnë marrëdhëniet, duhet të shmangen”.
“Duhet të gjendet një zgjidhje mes Kosovës dhe Serbisë për të stabilizuar marrëdhëniet dypalëshe, të krijojnë stabilitet rajonal dhe përfshirje në organizatat ndërkombëtare! Hapa të mëtejshëm që dëmtojnë marrëdhëniet duhet të shmangen. Dhe bisedimet duhet të fillojnë! Stagnimi i vazhdueshëm politik është shumë i rrezikshëm!”, ka shkruar Eide.
Këtë mbishkrim ai e ka vendosur, duke shpërndarë shkrimin e Washington Postit, ku tregohet roli i SHBA-së në arritjen e marrëveshjes përfundimtare. /Konica.al/
VAZHDO TË LEXOSH MË TEPËR PËR TEMËN
‘Dialogun e udhëheqin Thaçi e Vuçiç’
‘Dialogu me Kosovën, kusht për futjen e Serbisë në BE’
