MENU
klinika

Opinion

Librat, gjeniu edhe buzëqeshja

25.01.2019 - 11:13

Nga Irena Beqiraj

Për një moment fillova të mendoj që jam gjeni biles edhe shumë më tepër …. gjeni me eksperience!!! .
Edukimin e kam shumë të mirë, të konsoliduar edhe jo në Filozofi, por në një degë me të vështirë, Financë.

Librat që kam lexuar? Ah ato nuk i kisha numëruar. Por mund t’i numëroj mendova me vete . Kisha pak dyshim, a duhet të përfshija në këtë numërim librat e fëmijërisë?

E tejkalova edhe këtë si një vendimarrje që mund ta merrja rrugës . Fillova ethshëm të iventarizoj librat .
Arrita tek “12 Proverbat e Ferrit ” Ëilliam Blake shkruar rreth viteve 1800.

Aty kisha lexuar edhe nënvizuar që “rrugët e gjeniut nuk kalojnë nëpërmjet rrugëve të dijes”.

kolana e librave

Kaq zgjati edhe ëndrra ime për t’u vetndjerë “gjeni”. Një endërr që në fakt qenkesh shuar brenda meje në moshën 20 vjeç, kur jetoja në katin e 5 të godinës nr. 9 në qytetin studenti teksa lexoja këtë Anglez të cmendur i cili më tregonte aq mizorisht se isha në rrugetimin e një njeriu të zakonshëm.

Ndërkohë në mendje me rrotulloheshin akoma vargjet e tij:
Ka një buzeqeshje të dashurisë
ka edhe një buzeqeshje te mashtrimit
Por ka një buzëqeshje të buzeqeshjeve
Ku këto të dyja kanë pikën e takimit .

I buzeqesha vetes me buzëqeshjen e pikës së takimit dhe mendova: mashtrim i ëmbël i bërë me dashuri!