Kryetari i LDK Isa Mustafa shprehet se nuk është penduar që dha mbështetjen e tij për të zgjedhur si presidenti, Hashim Thaçin. Sipas Mustafës ishte Kushtetuta që i çoi në atë situatë, pasi LDK nuk mundi të qeveriste e vetme.
“Unë fare nuk jam i penduar sepse Kushtetuta na ka prurë në këtë situatë që nuk mund të qeverisim vet. Dhe, z. Thaçi e kemi votuar për President sepse e kemi zbatuar marrëveshjen. Unë mendoj që kam qeverisur në mënyrë korrekte dhe sot them që ata njerëz, ministrat e LDK-së kanë punuar mirë. Unë nuk pajtohem me diskursin politik që e ka tani PDK-ja”, tha Mustafa.
Mes të tjerash Mustafa shprehet se ka besimin e qytetarëve me rreth 27-30 përqind të tyre për zgjedhjet e ardhshme. Ndërsa thotë se do të fokusohen në dy çështje: Uljen e papunësisë dhe luftën kundër krimit dhe korrupsionit.
