Pas Tiranës, protesta dhe në universitetet e rretheve

Ndërkohë që studentët e Universiteteve publike në Tiranë kanë rinisur sot protestat, të njëjtën gjë kanë bërë edhe kolegët e tyre në rrethe.

Një grup studentësh të Universitetit të Elbasanit ‘Aleksandër Xhuvani’ janë organizuar për vazhdimin e protestës.

Ndërkohë, në protestë janë ngritur edhe studentë të Universitetit ‘Fan Noli’ në Korçë. Pavarësisht temperaturave të ulëta, studentët shprehen të vendosur për vijimin e kauzës së tyre deri në plotësimin e kërkesave.

“Nuk do t’ju kthehemi auditorëve, kërkesat janë plotësuar pjesërisht. La përpjekje për të përçare protestën dhe për të blerë studentët, por shumica e studenteve janë në mbështetje të kërkesave të artikuluara nga të gjitha universitetet”, pohuan studentët.