“Përmirësime në sistemin e informacionit dhe teknologjisë për administrimin e taksave, por sistemi tatimor ka rënë pre e ndryshimeve të shpeshta të fokusuara në objektivat sektoriale”, kështu është bërë me dije në rishikimin e fundit të marrëveshjes me Shqipërinë nga ana e Fondit Monetar Ndërkombëtar.
FMN vë në dukje faktin se politika të tilla duke përfshirë paketën fiskale 2019 mund të minojnë integritetin e sistemit tatimor, dobësojnë bazën tatimore dhe komplikojnë mbledhjen e të ardhurave.
Në analizën për Shqipërinë FMN për të ilustruar shthurjen e politikës fiskale merr shembullin e uljes së pragut të TVSH.
Në analizë FMN bën me dije se në vitin 2018, ulja e pragut të TVSH rriti numrin e tatimpaguesve.
Kjo rritje sipas analizës së FMN rriti barrën mbi administratën tatimore dhe bizneset e vogla dhe përfitimet në të ardhura ishin të voogla.
Me anë të kësaj analize, FMN thekson se në të njëjtën mënyrë ndodh edhe me futjen e pragjeve tatimore të shumëfishta për Tatimin mbi Fitimin.
Sipas FMN futja e këtyre pragjeve fragmenton sistemin dhe ndan bizneset.
FMN thekson se ndryshimet në politikën tatimore duhet të jenë të rralla dhe të mirëmenduara, duke marrë parasysh stabilitetin makroekonomik dhe klimën e investimeve.
“Shqipëria duhet të rrisë taksat mbi karbonin, makinat dhe naftën. Baza e TVSH duhet të zgjerohet mbi ilaçet, makinat, shitjet e banesave, arsimin dhe turizmin. Rekomandojmë rikthimin e tatimit mbi të ardhurat e biznesit të vogël dhe rritjen e akcizës për cigaret“, theksohet në analiznën e FMN për Shqipërinë.
VAZHDO TË LEXOSH MË TEPËR PËR TEMËN
FMN optimiste për rritjen ekonomike në 2018
FMN, sërish “e butë” me PPP-të
